माकुने सरकारलाई रेड सिग्नल

पोखरा । एकीकृत नेकपा माओवादीका स्यायी समिति सदस्य टोपबहादुर रायमाझीले वर्तमान सरकारलाई अघि नबढ्न ‘रेड सिग्नल’ आएको दाबी गरेका छन् । ‘अहिलेको सरकार गठनका लागि जुन-जुन विदशीले सहयोग पुर्‍याएका थिए, उनीहरुबाट नै सरकारलाई आगामी कदम नचाल्न भनेका छन्’, उनले भने- माधव नेपाल नेतृत्वको सरकारले ‘रेड सिग्नल’ पाएको छ, अब अघि बढ्दैन । ‘सत्ता साझेदार दलबीच भएको टीकाटिप्पणीले पनि सरकारलाई अघि नबढ्ने सङ्केत गरिरहेको रायमाझीले बताए । ‘त्यसकै परिणामस्वरुप अहिलेको सरकार अन्तर्रर्ााट्रय निकायबाट नाङ्गदिै गएको छ’- उनले भने । एकीकृत नेकपा माओवादी तमुवान राज्य समितिको हिजो आइतबारदेखि पोखरामा सुरु भएको चौथो पर्ूण्ा बैठकमा सहभागी हुन आएका रायमाझीले भने- ‘अहिलेको सरकारलाई हटाएर कुन दलको नेतृत्वमा नयाँ सरकार गठन गर्ने भन्ने विषयमा समेत छलफल सुरु भइसकेको छ ।’ आजसम्म चल्ने बैठकले माओवादीद्वारा घोषित तेस्रो चरणको आन्दोलनलाई सशक्त र प्रभावकारी बनाउने विषयमा छलफल गर्नेछ । बैठकमा राज्य समितिका करिब डेढ सय सदस्य सहभागी छन् ।